काठमाडौं । नेपाल विद्युत प्राधिकरणका कार्यकारी निर्देशक कुलमान घिसिङले विद्युतीय सवारी साधनको प्रोत्साहनका लागि चार्जिङ स्टेशनहरूको संख्या बढाउनुपर्ने आवश्यकता रहेको बताएका छन्। बिहीवार स्वतन्त्र ऊर्जा उत्पादकहरूको संस्था, नेपाल (इप्पान)को २५ वर्ष पुरा हुने अवसरमा आयोजित इभि र्यालीमा घिसिङले उक्त कुरा बताएका हुन्।
उहाँले पछिल्लो समय नेपालमा विद्युतीय सवारी साधनको प्रयोगमा वृद्धि भएको बताए। निजी सवारी साधनका साथै यात्रुवाहक सवारी साधनहरू पनि विद्युतीय रूपमै परिवर्तन भइरहेको उल्लेख गरे। यसले ठूलो परिवर्तन आएको र विद्युतको माग बढाउने अभियानलाई सहयोग पुर्याएको घिसिङको भनाइ थियो। उहाँका अनुसार, ७० प्रतिशत विद्युतीय सवारी साधनको खरिद-बिक्री भएको छ।
घिसिङले विद्युतीय सवारी साधनको प्रोत्साहन मात्र किनमेल गरेर हुने छैन भन्नेमा जोड दिए। उनले देशभर चार्जिङ स्टेशनहरूको आवश्यकता रहेको बताउँदै निजी क्षेत्रले ६ सयभन्दा बढी चार्जिङ स्टेशनहरू निर्माण गरेको र ५ सय स्टेशनका लागि आवेदन प्राप्त भएको जानकारी दिए। यसले रोजगारी पनि सिर्जना गरेको उनले बताए।
इप्पानका अध्यक्ष गणेश कार्कीले नेपालमा उत्पादित विद्युतलाई मुलुकभित्रै खपत गर्नुपर्ने आवश्यकता रहेको र सबैले विद्युतीय सवारी साधन प्रयोग गर्ने वातावरण सरकारले बनाउनुपर्ने बताए। उनले विद्युतका सामग्रीहरूको प्रयोगमा पनि वृद्धि गर्नुपर्नेमा जोड दिए।
VIDEO
Comments
Post a Comment